|
01
[Pipe Music; applause; chatter]
[RS] Whit an affa wey tae finish a fine piping
selection, me comin on here saying ??? applaud the piper for
a start… [applause]
[RS] It's been a great piping section this afternoon,
an I'm affa sorry but I canna give ye even the name of the
piper because I've been waiting in the back, [someone intervenes
to tell him]. John Ritchie, congratulations John Ritchie on
the pipes thank you sir, thank you indeed. [applause]
[RS] This year, this is what the folk festivals
are all about is increasing the boundaries a' the time, used
tae start aff with ten ??? thirty years ago,…people sitting
in a little wee room going ???… That's been happening
here in Buchan for the last three years, but in the next couple
of hours we'll prove that tae ye. I'm going tae introduce
our winning junior group for ye tonight and that is the Banchory
group. Are ye there folkies?
[?] No
[RS] Oh yer nae ??? [laughter]
02
[RS] Whit a rare start tae a programme eh? [laughter] I wis
doon there getting a' their orders and a' their jotters and
no one knows…. We'll try somethin else then. Dod Wilson,
noo Dod Wilson I'm supposed tae min fae the first hoose Dod
Wilson wis the melodeon player and Dodd wis equal first I
think along wi a man away down at, eh, Fife. So Dodd come
on wi yer melodeon and if it's nae you there'll be trouble.
[applause]
[RS] There is a lad talking doon here ??? [laughter]
Robert Lovie is on piano, I forgot tae tell ye.
[DW] Melodeon music.
[applause]
[RS] Thank you Dod. Dod Wilson, an I've been
told tonight that my job is tae push through athing as quick
as possible and we did succeed in the first hoose, cause I
remember last year the second hoose waiting tae come in. It
wis pourin wi rain awa aboot eleven o clock at nicht an on
Tuesday morning the second hoose gaed hame. So I've been telt,
I hiv been telt tae mak sure the second hoose gaes hame afore
midnight, so I'll dee ma best, so I hope yer docks nae doran[deoch
an doruis?] afore that time. Now we'll do our best tae get
ye through.…
03
I would like tae introduce tae ye now the winner of the junior
ballad competition, an when I spoke to him just now about
the song he wis singing, he says, Ah but, he says, athing
burned doon, athing burned doon. I said, well I niver heard
that een afore. But it's nae, it's Auchindoun, Auchindoun,
The Burning of Auchindoun, The Burning of Auchindoun, which
is jist is outside Dufftown for you people who don't have
the tongue. It's The Burning of Auchindoun, or somethin like
at onywey, but there is our winner of our junior ballad today
Alister Ritchie.
As I came in by Fiddichside, on a Mey morning,
I spied Willie Macintosh, an oor before the dawning.
Turn again, turn again, turn again I bid ye,
If ye burn Auchindoon, Huntly he will heed ye,
Heed me or hang me, that's anither fear me,
I'll burn Auchindoun, though the life leave me.
As I came in by Auchindoun, on a Mey morning,
Auchindoun wis in a blaze, an oor before the dawning.
Crawin, crawin, for a' yer croos crawin,
Ye've burnt yer crops and ??? an oor before the dawnin,
Heed me or hang me, that anither fear me,
I'll burn Auchindoon, though the life leave me.
[applause]
[RS] Thank you Alistair, a wee bit short, dinna
take lang tae burn doon Auchindoun, did it? [laughter] Well
done indeed; at's whit its all about. The next act, artist
coming on for ye now is the winner of the Doric verse, an
eh, I wis delighted, absolutely delighted tae hear there wis
eighty-seven entries…today for the Doric verse and that's
a great ??? [applause]. I'm saying that wi soor grapes really,
because I wis in charge, well nae in charge, I wis MCing the
bothy ballad competition this afternoon, this morning, and
last year in the afternoon, at 2:30, down in the wee hall
down there. We hid a packed hall for the bothy ballads. We
started at ten o'clock this morning with less than normal
o a crowd. They kent far they were gan, and I wis delighted
far they wir gan. They were awa deeing, hearing whit the youngsters
were doing in the Doric verse. I think it's a great tribute
to all the teachers in this area for encouraging [them]….
I'll speak aboot that more later on.
[applause]
04
[RS] And I introduced in the first house, because I wis slightly
late in even starting, fan I got in here I introduced the
next artist as a loon instead o a quine, for a start [laughter].
I didna realise that I kent the lassie fine cause I knew her
a few years ago up Strathdon way, but I'm gonna introduce
her right now. I hope I get it right this time, Deborah. I'll
keep ma fingers crossed will I for ye, Deborah Johnston And
Deborah is going to recite for you at's why I'm crossing ma
fingers, The Sair Finger. Deborah Johnston, you've hurt your
finger?
[DJ]
Ye pricked yer finger,
Puir wee man!
Your pinkie? Dearie me!
Noo, jist you haud it that wey,
Or get my specs and see!
My, so it is - and there's the skelf!
Noo, dinna greet nae mair,
See there - my needle's gotten't out!
I'm sure that wasna sair?
And noo, to make it haill the morn,
Put on a wee bit saw,
And tie a bonnie hankie roun it,
Noo there, rin awa'!
Your finger sair an a'? Ye rogue,
You're only lettin' on,
Weel, weel, then - see noo, there ye are,
Row'd up the same as John's.
[applause]
[RS] Well done Deborah. An just as I come on
the stage just now I wis handed two leaflets here…and
I must because I got the thing wrang and called Deborah something
else in the first hoose, her dad Ian Johnston and Ian's up
at Lonach noo, but he's a New Pitsligo loon. But I ken him
fae the bank, the bank at Lonach, an fan I go tae the Lonach
Gatherin, he says Robbie, ye got things wrong in the first
hoose. Div I ever get things richt, but he says, Robbie, ye
got it wrong in the first hoose and I says something about
Lonach,…och I dinna ken whit I said but he's trying tae
tell me that Lonach gatherin is on Saturday the 22nd of August,
1987, at the Belabeg Park at Strathdon. Whitever I said in
the first hoose cancel oot completely, will ye min at [laughter].
…
05
Noo we're goin on tae the fiddle this time and we're going
tae go on to the, I'm hine doon the list here I think, jist
gie me time tae look at ma programme, will ye, tae I see whit's
happenin here. Oh our fiddle winner today or one of the fiddle
winners today…. The senior fiddle winner this afternoon
with Evelyn Milne comin on to play for ye now.
[EM fiddle]
[applause]
[RS] Evelyn, thank you very much, Evelyn Milne
of Aboyne…. Mary Milne from Banchory [applause].
[RS] Because when you're at festivals sometimes
there's competitions. I know that in the ballad singing, the
bothy ballad singing, they prefer to see it unaccompanied.
That's how it wis on the corn kist, but when yer dealin wi
music and especially young fiddlers when they're apprehensive
aboot whether they should go on, whether its right tuned or
no, there's nothing worse than them starting oot o tune and
kenning they're oot o tune. You folk in the audience ken they're
oot o tune, by God, they ken they're oot o tune by that time….
They'd dee onything; they'd rather ging hame…. Well that
is the sort o lady that sort o puts them at ease and makes
sure that athing's tuned an on the performance is that nice
subtle accompanist, at's why I stopped Mary in mid tracks
going out just now.
[applause]
06
[RS] I'd like to introduce you now to the intermediate tin
whistle, now ye I think an intermediate tin whistle you might
think is a tin whistle atween G and B. There wis sic a thing
introduced into society, but this intermediate is the intermediate….
We hiv the youngsters, the intermediates, and the adults.
And winning the intermediate tin whistle this afternoon or
this morning was Scott Milton of Fraserburgh. In ye come Scott,
Scott Milton. As he gets ready tae play for ye, another lady
exactly the same as Mary is Evelyn Mundie on piano there [applause].
[RS] Scott's startin off wi that lovely slow
air of the late Charlie F Hunter: The Hills of Lorne, then
the march is John Macmillan of Barra and he finishes off with
a hornpipe The Boys of Blue Hill. Scott Milton.
[tin whistle music]
[applause]
[RS] An that's supposed tae be intermediate,
eh, well done indeed.
07
The next artist coming on for ye, aye is singing a song again.
I harp back tae the bothy ballads cause I wis wi them a' morning,
so that's the only way I can take my Buchan Heritage Festival
for ye, apart fae the fact that I wis trying tae watch Dundee
playin St Mirren, or vice versa, or somethin like that in
the efterneen. They gied me an efterneen aff, but in the bothy
ballad competition in the morning I heard this lassie singin
a song which she introduced herself as The Halflin. I said
The Halflin? I'm nae affa sure, and then when she started
singing, I said, Oh my god, at's that song that Willie Clark
o Ballindalloch sings Brose a' Day. An I thought the first
time I heard that song wis off an old record o Peter Murchie[?].
I'm maybe wrang, but an old 78 o Peter Murchie,…but then
I wis speaking roon the back there tae some o the folks and
they said, Och I remember different people singing that song,
but it's aye [my] association with it. So tae me it wis Willie
Clark at sung Brose a' Day. Today a lassie sung it affa well
indeed under the title of the The Halflin. From Braemar, Joyce
Wright [applause].
I wis only a halflin when I left the glen,
Tae fee as an orra loon doon at Kilblane
It wis fairly a change for a laddie like me,
Tae hae brose tae his brakfast his denner and tea.
Noo brose in the morning is a' very weel,
It disna need chawin or no jist a sweel,
But at dinner time Losh I would rather hae bree,
Than hae brose tae my brakfast my denner and tea.
At the ploo I made pictures o platefus o meat,
An wonnert fu lang on the brose they would keep's,
But when dinner time come wi a tear in my ee,
I gaed in tae the brose tae ma denner an tea.
In the lang summer days at the castin of peats,
I wis as hungry as often I could hiv etten ma beets,
I nibblt at carrots I'll tell nae lee,
For it's a lang time on brose tween yer denner and tea.
At nicht I wis hungry and gaed tae ma bed,
And dreamt aboot butter and bannocks instead,
But aye in the mornin I waakend tae see,
The brose tae my brakfast and denner and tea.
[applause]
[RS] Well lads, once again then, please, that's
beautifully sung I thought, from Braemar there, and that wis
Joyce Wright. Joyce Wright, once again, then thank you well
done [applause].
08
[RS] Ye know us in the media, ye ken I hiv tae include masel
in the media noo, God knows whit wey I'm a media mannie, but
I'm a media mannie because my tongue is heard by somebody,
even one person, I become a media person…. But on the
media scene I hiv often said that's whit they coonted me a
lang time ago,…when I wis jist a loon fae Dunecht spouting
the same stuff, I used tae say that I hid a school mistress
in Dunecht that did the world for me, and she did, she died
just about one month ago and that was Mrs Jean Pirie. She
wis Jean Bruce tae me and she wis a lady beyond whit she should
be as a teacher because both ma brother and I got a bursary
to Robert Gordon college through her. My father wis a souter
and there's nae wey he could hae puttan me ony wey, or my
brother, ony wey, but that lady taught us Latin and French
before we were twelve years old and tae think this the days
of Gavin Greig. I'm spikkin aboot the next generation, taught
us the rudiments o that tae make sure that we got oor bursary
and we did and I owe an affa lot tae that lady, at's why I
feel sincerely aboot the youngsters comin up in the Doric
scene and that why I feel sincerely tonight about…the
people with us tonight. And I'm so delighted to welcome first
and foremost James Michie the Director of Education of Grampian
region, with him he's got Roderick Duncan, Mr and Mrs Duncan
the assistant Director, delighted tae see ye [applause] and
Bill Mc??? and his wife the director of the music centre o
Banff and Buchan for the schools. At's the whole front row
there,…so niver again in any o my programmes will ye
hear that they're nae daein enough for the Doric tongue, cause
they're here; they're here en masse and A'm delighted tae
see it. An the reason why I've introduced them at this stage
is because of a young lassie that took the place by storm
this morning or this afternoon, if ye got through eighty-seven
entries, for her contribution tae the doric verse. And she
is going tae come on because all o these people I've mentioned
jist now know the feeling as J. C. Milne knew the feeling
of Friday nicht….
[applause]
09
[RS] ...Elaine Elphinstone come on Elaine….
[EE] Oh for Friday Nicht by J. C. Milne.
Oh for Friday nicht,
Friday hame an hummin,
Oh for Friday nicht,
Friday's lang o coming.
Noo, lets hae geography,
Fit's the toon for Jute,
Sit at peace Jemima,
Kirsty dra yer snoot.
Hey there Willie Wabster,
Stop powkin in yer breast,
Whit, A horny gollach?
Guid be here whit neist.
Oh for Friday nicht,
Friday hame an hummin,
Oh for Friday nicht,
Friday's lang o coming.
Whaur's the granite city,
Weel Georgina Broon?
Glasgae? Haud yer wheesht quine,
Glasgae's jist a toon.
Buckie hoots and havers,
The Broch preserve as a',
Hie there Geordie Gammie,
Pit at preen awa.
Oh for Friday nicht,
Friday hame an hummin,
Oh for Friday nicht,
Friday's lang o coming.
Noo, lets hear yer spellins,
Whit, ye've got neen oot?
Oh aright nature study,
Whit gars tatties sproot?
Heat an moisture, fairly,
Whit mair, Willie Gurk?
Fermers? Oh Guid preserve's man,
Fermers dinna work.
Oh for Friday nicht,
Friday hame an hummin,
Oh for Friday nicht,
Friday's lang o coming.
Dod take in the bottles,
Fa wants milk the day?
Guid be here, fit's wrang, Jock?
Needin anither straa no.
Well man whit gars ye stand there,
An gowp and glower?
Twa deid flees in yer bottle?
Be thankful there isnae fower.
Oh for Friday nicht,
Friday hame an hummin,
Oh for Friday nicht,
Friday's lang o coming.
Fa wid like some singing?
Aricht an souch awa,
The Smith's a Gallant Fireman,
Or Charlie's Noo Awa.
Sing up Susie Simmers,
Rax yer memlike mou,
Mercy me, Jean Tulloch,
Yer lowin like a coo.
Oh for Friday nicht,
Friday hame an hummin,
Oh for Friday nicht,
Friday's lang o coming.
Noo, a word o warning
Afore ye tak the road,
There's twa inspectors coming,
Haud yer tongue Jock Todd.
There's twa inspectors coming,
Whit's adee Jean Squires?
Yer mithers maybe coming?
Fa the devil cares?
Oh for Friday nicht,
Friday hame an hummin,
Oh for Friday nicht,
Friday's lang o coming,
Guid bless Friday.
[applause].
[RS] I think I'll jist wait or the applause
goes down. Elaine Elphinstone there out of an entry of sixty,
sixty in her class, well done Elaine.
[applause]
10
[RS] …When I told ye I went Robert Gordon's college when
I landed in there, I wis only there a month, an at that time
there wis no question of bothy ballads, there wis a lad used
tae be the prefect, an I used to think he wis my hero cause
he wis the prefect in the sixth form an he also wis the lad
in the school canteen that could tak six plates o mince and
tatties. He wis walkin like is and we got, I don't know why,
we got in tow - …he wis about five years older than me
- and he used tae speak aboot the George Morris and the Willie
Kemp books o music. And I have been interested fae about thirteen-fourteen,
they'd only new come oot then - shows fu aul I am - they'd
only newly come oot and we used tae discuss it efter he wis
finished his mince and tatties we used tae spik aboot McGinty's
Meal and Ale and all the great songs of George Thompson. We
used tae discuss them at length, and it wis great but, ye
see, the thing aboot Mrs Pirie as I said…and that lassie
getting the freedom of the stage thenight, when I went tae
Gordon's College. I hid nae freedom like that at a', I assure
ye. I don't know if these gentlemen in the front row will
agree wi me, couldna care tuppence if they dinna [laughter].
I'm only gonna tell ye is. When I went there aboot a month
efter I wis there I wis asked tae read…a bit oot o a
book. Noo I canna even tell whether it wis history or geography,
so ignorant wis I in getting this bursary, but it wis a thing
I hid tae read oot about the building o the railways in Rhodesia.
And I'm reading this thing oot in front o a' the class….
[Then] you come tae Cecil Rhodes [who] built the railways
in Rhodesia and a' the class started tittering, and the master
said tae me, excuse me make yer mind up boy Cecil Rhodes,
God almighty, wir boots it wis Cecil. Whit wis the difference.
[laughter; applause]
11
[RS] Really, however, on we go now to the next of our artists
an this I introduce now back to the instrumental and this
time an Catriona Ian of Stonehaven and Catriona won the junior
fiddle this afternoon. Come in Catriona, and then I'll introduce
yer tunes for ye. Come on Catriona there, Catriona's gonna
play for a start John McLean's Farewell tae Oban. I think
that Donald must be his brither, winna matter, they baith
left Oban, winna matter, I think. Oban followed by Miss ???
and Loch Leven Castle. Junior fiddle Catriona fae Stonehaven.
[applause]
[fiddle music; applause]
[RS] Well, the junior section there on the fiddle,
Catriona Ian of Stonehaven. I'm going tae introduce a character
on the stage now, but I canna do that before I acknowledge
the ??? that we perform on in the middle of the morning, that
we started off last year and I wis affa happy that two lads
come along. It wis a coorse kinna day, wisna a day jist for
bein sitting there. Ye'd be raither inside than oot and two
lads fae the Deeside-Donside area come up and entertained
us. Well one o them come up an, well, both o them come up
and entertained today again, but eh, I would jist mention
his pal before I introduce the other one ???. Somebody says
tae me far div I come fae. I says, well, ye ken, I'm like
these two gentlemen, I come fae between Deeside and Donside,…Dunecht….
Aberdeen's a suburb o Dunecht for a start [laughter]. ???
Dunecht is the place but far the hell is Dunecht, abudy says,
well, I try tae explain that its halfway between Deeside and
Donside, the back Hielan road tae Inverness. Ye haud up by
Alford and ye land in Inverness and I said tae Sandy Michie
the day as he come on stage on the platform jist tae adlib
going on the stage and I says till him, Sandy you try an tell
folk are you Donside or Deeside - and Sandy Michie is fae
the same pairt as me, he said, but he's up Lumphanan wey -
he says, well, Robbie, if ye ging up the tap o the Corse Hill
and peed oot ye'll either land in Deeside or Donside [laughter].
A think at's aboot the area I live in; it's aboot the area
that our next artist lives in. He's a tremendous performer
in winning the Doric verse this afternoon, he's not going
to recite the one he did today, but because of the [applause]
from the first house crowd and because o that mannie Duncan
Simpson, and Duncan is a great supporter for the Buchan Heritage
Festival and he's taking recordings tonight. Come on, say
a wee hello tae Duncan [applause].
12
Because o Duncan, because o me, because o the first house
crowd, he is going tae finish aff the second by J. C. Milne
of the second half of his little wee short act and if he dis
mair than ten minutes I'll kick him aff the stage, it will
be J. C. Milne poem of Geordie Green but first of all let
me introduce you to the mannie fae Tornaveen, Geordie Smith.
[applause]
[GS] Oh me this poem again, oh well if the bill's
written oot, we're away.
Oh sair it gars me greet tae tell,
Fit eence did Geordie Green befell,
It come aboot at Geordie Green,
The orra loon fae Pickerstane.
Wis hyowin tansies in a park,
Wearied nae doot till his second wand,
Fan he began tae light a pipe,
The he had bocht fae Sandy Flyte.
The foreman, Billy at Newseat,
Far tatties grow like Geordie's feet,
Auld Thamas, the pure Angus bull,
Wis quietly browsin on a hill.
Fan Geordie garred puff and bla,
And Losh, he raised his heid and saw,
The lowf[?] that Geordie's guid pipe bowl,
The reed, reed low o bogie roll.
Like arra fae archer's bow,
A Hielander again the foe,
Like crashin drum fae oot a mill,
A torrent ragin doon a hill.
Like thunner fae the cloods abeen,
Aul Thamas made for Geordie Green,
Geordie gawket like a dyeuk [laughs],
Look fa his pipe, flung doon his heuk,
His legs tooked intae his
Eence set in motion the ??? gotten lotion,
For Geordie Green wis ?,
His handicappit wi his feet.
He'd won first prizes at the shows,
Twice in sheen, and thrice in hose,
But noo he's een gaed rollin roon,
His shouder feistin up and doon,
His stibbly hair had staid on end,
He's moleskin ??? but and ben,
Elkie airm wis like a waving wing,
His shouting body like a swing.
An fliberty fliberty fliberty flab
His lugs gart a' the midgies wap,
Sweit tearin by his cheeks,
A button floo fae aff his breeks.
Sic a race it wis atween,
Thamas and young Geordie Green,
Cussed be the day, gasped Geordie Green,
That I come hame tae Pikerstane.
And, an cussed be the pipe withoot a lid,
It's broken ??? on my heid,
An cuss be the leein gypsy quine,
Fae yon Aikey Brae lang syne.
Telt me I would surely be a livin man at ninety-three.
For noo the very deil's upon me,
In shape o beast at's like tae win me,
Geordie keekit ower his showder.
Thamas come like bustin pooder,
He's mou wis like a foamin river,
He's nostrils like a raging ??
His heid wis like a batterin ram.
Geordie nearly took a dwam,
He trippit ower a muckle docken,
That garred him stott and set him rockin,
Like a shipie oot at sea fan storm's a-ragin.
??? he tummeled doon for deid,
Thamas come at sic a speed,
He lowpit clean ower Geordie's heid,
Geordie wassled till his feet,
Wunnering gin he didna greet,
His nose ran reed, his teeth wis scattered,
His moleskin knees wis torn and tattered,
File Thamas roarin oot like thunder.
At makin sic an affa blunder,
Saw peer Geordie chavin up,
He lowered his heid and gaed a look,
Geordie landed on his feet.
In the ??? road by New Seat.
Thamas looked on sair dumfounded,
Sa eence mair that he hid blundered,
Deil tak ma bonny Angus faster.
Helpin Geordie in the race,
Geordie got his second wind,
Thamas lumpit on ahin,
Geordie hid a ???
Thamas fleet and fleeter flew,
Up shak road lik a deer,
Far bodies chased him last new year,
The gamie's staunin wi his tykes.
Sa him an lowpit ower the dyke,
The tinker's sittin on a stane,
Lookit up and rubbed his een,
Black
Och I'm nae a canna min whit happens efter that.
Furlet along the ???
Tinker sitting on a stane,
Lookin up and rubbed his een,
Blinkie switch up her tailed.
Dunced awa like driving hail,
??? his folly tossed its heid ,
And bickered nickering roon the mead.
Noo they're roon the cotter hoose,
Geordie pechin like a geese,
That's laid twa eggs instead o een,
Thamas tearin on ahin ben the road o fleein feet.
Knockin ower the cotter's ???,
Ganin fitties yella rooster,
Flee like feathers fae a bowster,
Ower the ??? intae the park.
Geordie leavin half his sark,
Stickin in the burrs ???
Sic a race an sic steer,
It wisnae seen for mony a year.
Wasties peacock gan tae cry,
Black cloots gaitherit in the sky,
Cra's gaed flee and hame tae reest,
And Thamas looked like frozen yeast.
Noo they're doon the postie's road,
Like fury makin straicht fer sooth,
Tae Auchmoray[?] far the burnie rins,
Sae wide he took her at a single stride.
Nearly ballin up his queets,
Findin baith his faither's beets,
In the middle o the burn,
Thamas coulda cursed and swore.
He tossed the ring fae aff his nose,
Geordie trippin ower his hose,
Gave the most unearthly yell,
Twas heard as far as ???.
Sheets o lichtnin blazed abeen,
Thunner crashin in atween,
Rain come thrashin, splashin doon,
Thamas skeltered in his croon,
And bellowed louder that the thunder
It garred the black cloods splat asunder,
Oh nae splattered past Whiterashes,
Geordie gaspin at the flashes.
Through the park, and ower the dyke,
Fleggin simmer, yelpin tyke,
Doon the brae and through the wid,
Geordie weet his ???.
Roon the shop at Memsie corner,
Jinkin back tae PC Horner,
Till they come tae Pikerstane,
??? a truth be telt peer Geordie Green,
Gaed lowpin the aul mill dam,
And oot o there he niver come.
[applause and laughter]
13
[GS] I wis telt that I hiv tae tell twa stories jist tae eke
oot things a wee bittie, but mak them short tae nae take ower
lang can ye mak sense o that.
[RS] I telt ye tell twa stories nae tae elongate
things nae eke things oot
[GS] Oh I see. And if ye'd aye dee as ye're
telt ye canna ging far wrang. Did ye hear, oh me fit's the
story again. Onybody ken David Bellamy, ony conservationists
here? Disna matter. David Bellamy, he's going tae mak a TV
programme in Aiberdeen, ye see, an he's a' the TV cameras
up and he's there lookin intil a wifie's back gairden and
here's him sitting doon on his knees and he's layin aff aboot
the lovely soil and how it makes everything grow and jist
look at this, he says. It's so warm and so moist and it runs
through yer fingers and I'll shoot at damn cat. Hold for a
meenit, the man at the microphone's upset, ye ken. This town
comes tae country kinna business, ye see, there's aye a big
ferm pickit and it's a' sweepit and the close cleant and then
there's hoards o folk comes oot fae the toon and they ask
some affa questions and the fermer and some ither guides shows
them roon so this wis going on in a particular ferm. And there's
an affa inquisitive Wifie bidin up against the fermer and
speirin some terrible questions. So there wis a great clood
o fleas roon aboot her, so he's deein his best tae answer
a' this questions and she says, Tell me why am I being plagued
by all this flies and what kinna flies are they? That madam,
he says, is the bum bum fly. Oh, she says, I've niver heard
o them. No, he says, you wouldn't come across the bum bum
fly in Aiberdeen. They're more commonly found on the farms.
Oh yes, madam, he says, they're the most intelligent flies
of the whole fly world, hence the name the bum bum fly. You
always find em round the back end of a cow. She says, she
says, are you suggesting that my face is like the back end
of a cow? No, madam, he says but you cannot fool the bum bum
fly. [applause]
[RS] Geordie. J. C. Milne I'll change it….
[GS] That's fine.
14
[RS] ??? OK right at wis marvellous. Geordie Smith….
Abudy's got their ain wey o doing a poem an finishing a poem,
but he finished a poem on the most dooner at ye could get
an nae expecting one [applause] the way he finished that poem….I
thought it wis brilliant, absolutely brilliant, Geordie Smith,
well done [applause]. I finished aff my stuff awa up in the
??? hoping somebody'll clap but ???…can I introduce you
to the intermediate piano, intermediate piano, solo winner.
That was Elaine Banchory of Millbrex; come in Elaine and I'll
introduce yer tunes. Elaine Banchory. Elaine starts off wi
The Waters o Kylescue. She follows that wi the Braes o Tullymet
and then I think Jackie Tar.... Elaine Banchory.
[piano music; applause]
[RS] Well done, the winner of the junior piano,
Elaine Banchory there. I go in tae different festivals throughout
the year, I kinna come tae ken the kids and I love the kids,
I do and we've got a great repartee on the folk festival scene,…when
I see these youngsters. I'm delighted tae see the way that
they get on and on. There's a lot that I could see on stage
tonight, I remember the very first time they played. I think
one such artist is coming on for us jist now and such as Elaine
playin the piano is a lady, such as this girl played as a
lady too, a young quine then and it's the way that the kinna
festival scene his kinna gone kinna towards the girls more
than the boys but it didna used tae be. Ye could go tae a
fiddle festival and niver see any girl competitors but
back to top
|
