|
01
[Accordion plays. 'Coming through the rye.']
[Applause.]
02
This is anither wee song now, they're a maistly aboot lasses
onywey, and Burns wis fond o them wasn't he? So this eens'
ca'd 'The Trampin Lass.'
As I gaed oot ae summer's nicht, tae hae a wee
bit stroll,
Nae thinkin o the hours gan by I wandered by the toll;
I hidnae gan forbye the toll, and Corbie burn I passed ,
And fa de ye think at I met there, but a bonnie wee trampin
lass.
Oh far are ye gaun? Gie me yer haun, oh foo
are ye daein? says I,
Haud up yer heid my bonnie wee lass and dinna look sae shy;
Far dae ye bide? Far dae ye stay? Come tell tae me yer name.
Dae ye think yer faither'd be angry noo gin I were tae see
ye hame?
She said that she wis workin doon in the meltin
field,
Trampin banks o ??? and likin it unco weel;
She said she hid ten bob a wik, but wisnae on full time,
Says I my lass fit maitters is that soon ye will be mine.
Oh far are ye gaun? Gie me yer haun, oh foo
are ye daein? says I,
Haud up yer heid my bonnie wee lass and dinna look sae shy;
Far dae ye bide? Far dae ye stay? Come tell tae me yer name.
Dae ye think yer faither'd be angry noo gin I were tae see
ye hame?
Well noo that we are mairried, we're as happy
as can be
Tow little lassies by oor side and a laddie on wir knee
I aften stroll doon by the toll and I think o the days gan
past
But as lang's I live, I'll nivver forget ma bonnie wee trampin
lass
Oh far are ye gaun? Gie me yer haun, oh foo
are ye daein? says I,
Haud up yer heid my bonnie wee lass and dinna look sae shy;
Far dae ye bide? Far dae ye stay? Come tell tae me yer name.
Dae ye think yer faither'd be angry noo gin I were tae see
ye hame?
Oh far are ye gaun? Gie me yer haun, oh foo
are ye daein? says I,
Haud up yer heid my bonnie wee lass and dinna look sae shy;
Far dae ye bide? Far dae ye stay? Come tell tae me yer name.
Dae ye think yer faither'd be angry noo gin I were tae see
ye hame?
[Applause.]
03
I'll jist carry on, I canna
min nae stories in the mean time. By the time Allan is singin
is next song, I'll mebbe think on something. This is anither
lass, 'A Lass Fae Cornhill.'
As I gaed by the border side, a lass I chanced
tae see,
We talked a while and then says I, would ye like tae walk
wi me;
We strolled along beside the Tweed and then doon by the mill,
She said her faither held a ploo on a fairm ca'd Cornhill.
The nicht wis fair as on we gaed, oh time we
took nae heed,
As through the trees the moon shone bricht alang the banks
o Tweed;
We sauntered on doon by the Mains, where a wis quiet and still,
And then I kissed the bonny lass, the lass fae Cornhill.
We stood a while beside the brig, I asked tae
see her hame,
And promised as we said good nicht, that we would meet again;
Noo the lassie's a my ane, and aye my thochts she'll fill,
Sae dear tae me, she'll always be the lass fae Cornhill.
As I gaed by the border side, a lass I chanced
tae see,
We talked a while and then says I, would ye like tae walk
wi me;
We strolled along beside the Tweed and then doon by the mill,
I'll ne'er forget the night I met the lass fae Cornhill,
No I'll ne'er forget the night I met the lass fae Cornhill.
04
Anither song about a lass, and this time it's 'The Washerwife.'
I'm jist a country washer wife, I fairly tak
the bun,
If this is nae the washing day I jist come doon for fun;
I dabble them through the watter, and I hing them on the pin,
I jist use ma shouder when my nose begins tae rin!
Sure as my name's Maria Jane McQueen,
There's nae a better washer wifie north o Aiberdeen;
I dabble them through the watter, and I hing them on the pin,
I jist use ma shouder when my nose begins tae rin!
I'm washin till a bachelor, he's affa smote
wi me,
He comes intae the washin hoose tae keep me company;
Ae day he saucht ma photograph, but I kent his little game,
So lifted up the biler lid and I smo'red him wi the steam.
Sure as my name's Maria Jane McQueen,
There's nae a better washer wifie north o Aiberdeen;
I dabble them through the watter, and I hing them on the pin,
I jist use ma shouder fin my nose begins tae rin!
The day the minister he came doon, he jist came
doon tae see,
Which day I'd wash for him and which day would dae;
Well Sunday wis ma only day, but wis pleased withoot a doot,
For he promised tae come and help me jist as soon as the kirk
come oot!
Sure as my name's Maria Jane McQueen,
There's nae a better washer wifie north o Aiberdeen;
I dabble them through the water, and I hing them on the pin,
I jist use ma shouder when my nose begins tae rin!
It's time that I wis pushin noo, for I'm fairly
oot o win,
I'm gan tae a concert at Mintla and I'm feared I'll be ahin;
So onybody needin their washin daen will jist send roon for
me,
And I'll hae washed them tae perfection for the sum o three
and three.
Sure as my name's Maria Jane McQueen,
There's nae a better washer wifie north o Aiberdeen;
I dabble them through the water, and I hing them on the pin,
I jist use ma shouder when my nose begins tae rin!
[Applause.]
I usually dress up for at een, but as my wife's
here the night, and she's wearing the skirt! [laughs]
05
There's this farmer chap,
he was a staunch elder and a regular attender o the church,
he'd never missed a Sunday, until one day in the summertime,
an affa fine day, he didnae appear. So there wis a great consternation
fit had happened till him. So it wis decided that the minister
wid visit, see whit had happened. So fan he arrived at the
fairm, here wis him busy combinin. So he went ower to him
and he said eh 'Well we missed ye at the kirk the day John'
he says 'any problems'. 'No, nae really' he says, 'but eh,
I got up is mornin and it wis an affa fine day and I thocht
aboot the kirk and I thocht aboot ma hairst, and I thocht
I wis mebbe better staunin in my combine thinkin aboot the
church than I wis sittin in the church thinkin aboot my combine.'
[laughs]
Right, a couple of reels now and this is a tunes that Burns
wrote words till't. Eh, they're mebbe jist fast enough for
ye singin, but if ye canna keep up wi the singin jist whistle.
06
[Plays accordion; applause.]
I must mak excuses for eh, missing a note noo and again but
this is a brand new accordion I've got and I'm finding it
an affa lot stiffer on the keys and I'm hardly pressin hard
enough on the keys to get every note oot. Well, that's my
excuse. Thank you!
07
Em, this time then, is a, another song fae Alan and this een's
dear to the heart o a the ladies, 'Ae Fond Kiss.'
Ae fond kiss, and then we sever,
Ae farewell, alas forever;
Deep in heart-wrung tears I'll pledge thee,
Warring sighs and groans I'll wage thee.
Who shall say that fortune grieves him,
While the star of hope she leaves him;
Me, nae cheerful twinkle lights me,
Dark despair around benights me.
I'll ne'er blame my partial fancy,
Naething could resist my Nancy,
But to see her was to love her,
Love but her, and love for ever.
Had we never loved sae kindly,
Had we never loved sae blindly,
Never met, or never parted,
We had ne'er been broken-hearted.
Ae fond kiss, and then we sever,
Ae farewell, alas forever,
Deep in heart wrung tears I'll pledge thee,
Warring sighs and groans I'll wage thee.
Fare thee weel, thou first and fairest,
Fare thee weel, thou best and dearest;
Thine be ilka joy and treasure,
Peace, enjoyment, love and pleasure.
Ae fond kiss, and then we sever,
Ae farewell, alas, forever,
Deep in heart-wrung tears I'll pledge thee,
Warring sighs and groans I'll wage thee.
[Applause.]
08
Anither wee, humorous kinda song I suppose ye could ca it.
And this een's called 'Young Johnny Green.'
Young Johnny Green used tae wait for his girl,
Down by the farmyard gate,
His whiskers twined in a nice little twirl,
Down by the farmyard gate.
He would sit there for hours and cry Yoo Hoo!
Are you coming out darling, Toodleoo!
Cause my toes are cold and my nose is blue,
Down by the farmyard gate.
Oh that farmyard gate, Johnny was there early
and late,
Whistlin and singin 'are you comin oot Kate,'
Down to the farmyard gate.
Now Kate would come out and they both would
sit,
Down on the farmyard gate;
And Johnny would talk like a silly little thing,
Down on the farmyard gate.
They would sit there for hours and whisper low,
Then her dad would come out and shout 'oh ho';
And Johnny had tae sit on the old man's toe,
Down by the farmyard gate.
Oh that farmyard gate, Johnny was there early
and late,
Whistlin and singin 'are you comin oot Kate';
Down to the farmyard gate.
Now Kate's little brother he took some tar,
Down to the farmyard gate;
And he smeared it along o the topmost bar,
Of that farmyard gate.
Johnny sat there and he said 'my duck,'
Kate sat there and she said 'chuck, chuck';
They both had tae sit cause their bottoms were stuck,
Down on the farmyard gate.
Oh that farmyard gate, Johnny was there early
and late,
Whistlin and singin 'are you comin oot Kate,'
Down to the farmyard gate.
Lovers never speak now as they pass by,
Down by the farmyard gate;
And if you ever go there you'll know the reason why,
Down by that farmyard gate.
Some flounces ye'll see if yer not blind,
A little piece of cloth you will also find;
That the part he used tae wear on his, well never mind,
Down by the farmyard gate.
Oh that farmyard gate, Johnny was there early
and late,
Whistlin and singin 'are you comin oot Kate,'
Down to that farmyard gate.
[Applause.]
09
We're off on a tour again. This time, we're awa tae Fyvie
tae see the Bonny Lass.
There was a troop o Irish dragoons,
Came marching up through Fyvie-o,
And the captain fa'n love wi a very bonnie lass,
And her name it wis ca'd pretty Peggy-o.
There's mony a bonnie lass in the howe o Auchterless,
There's mony a bonnie lass in the Garioch,
There's mony a bonnie Jean in the toon o Aiberdeen,
But the floo'er o them a' bides in Fyvie-o.
O come doon the stairs, Pretty Peggy, my dear,
O come doon the stairs, Pretty Peggy-o,
O come down the stairs, tie up yer yella hair,
Say a last fareweel to your daddy-o.
I soldier's wife I never will be,
A soldier shall never enjoy me-o,
For I never do intend to gang tae a foreign land,
And tae march fan the captain he is ready-o.
It's braw, it's braw a captain's lady to be,
It's braw tae be a Captain's own lady-o,
It's braw tae rant an roar, an follae at his word,
???
Green grows the birk on bonny Ythanside,
And low lie the lowlands of Fyvie o,
Our captain's name was Ned and he died for a maid,
He died for the bonnie lass o Fyvie o!
Now there's mony a bonnie lass in the howe o
Auchterless,
There's mony a bonnie lass in the Garioch,
There's mony a bonnie Jean in the toon o Aiberdeen,
But the floo'er o them a' bides in Fyvie-o.
[Applause. End of Side A.]
10
[?] [Accordion plays.]
I belang tae Glasgae, dear auld Glasgae toon,
What's the matter wi Glasgae for it's going roon and roon,
I'm only a common aul workin chap, as anyone here can see,
But when I get a couple of drinks on a Saturday,
Glasgow belongs to me.
By yon bonnie banks and by yon bonnie braes,
Where the sun shines bright on Loch Lomond,
Where me and my true love will never meet again,
On the bonnie bonnie banks o Loch Lomond.
Oh ye tak the high road and I'll tak the low
road,
And I'll be in Scotland afore ye,
For me and my true love will never meet again,
On the bonnie bonnie banks o Loch Lomond.
My bonnie lies over the ocean,
My bonnie lies over the sea,
My bonnie lies over the ocean,
So bring back my bonnie to me.
Bring back, bring back, o bring back my bonnie
to me, to me;
Bring back, bring back, o bring back my bonnie to me, to me.
On Saturday night I got married,
Me and my wife settled down,
Now me and my wife have parted,
Gonna take me a trip downtown.
Irene goodnight, Irene,
Irene goodnight,
Goodnight Irene, goodnight Irene,
I'll see you in my dreams.
When Irish eyes are smiling,
Sure it's like a morning ?
???
???
When Irish eyes are happy,
Sure the world seems bright and gay,
But when Irish are smiling,
Sure they steal your heart away.
Forever and ??
My heart will be true
Sweetheart forever, I'll ??
We both made a promise
That we'd never part
Let's see if we're
?? my sweetheart
Let bygones be bygones forever,
We'll fall in love once again,
So lets ???
Forever and ever be mine.
Forever and ever, my heart will be true,
Sweetheart forever, I'll wait for you,
We both made a promise,
That we'd never part,
Let's see if ??? my sweetheart.
Now is the hour when we must say goodbye,
Soon I'll be sailing far across the sea,
While I'm alone, oh please remember me,
When I return I'll find you waiting here.
[Applause.]
11
[John Sorrie] Well ladies
and gentlemen we have come to the end of our night and I think
you'll agree with me once again the Burns supper has been
a great success. I'd like first of all to thank Grace and
the staff of the Pitfour Arms for layin on a wonderful meal
for us the night. I think abody hid a good helpin, and eh,
the only complaint I heard wis that folk wis ower full! [laughs]
I hope you all enjoyed the meal ye got, thanks tae Grace and
the staff o the Pitfour.
[Applause.]
[JS] Thanks go to Keith Maclean for addressing
the haggis. I'm ayeways glaid fan it's a right handed haggis
addresser at sits aside me, cause the wey the knife goes sometimes
ye'd tae, if it's left handed I've tae sit back ye see. So
fine fan it's a right handed addresser o the haggis. I feel
safer. A big hand please for Keith Maclean.
[Applause.]
[JS] To Charles Birnie for Tam o' Shanter. He
never fails to put on a great show for us. Em, I think he's
certainly the best person I've ever seen do Tam o' Shanter,
he certainly puts athing intae it, and we hope that once he
retires we'll get some mair oot o him.
[Applause.]
[JS] To Dr Crockett for a very amusing yet thought
provokin immortal memory to Robert Burns. I thoucht they a
spoke like at in Pitsligie, even in the doctor's surgery!
[laughs] Please put yer hands thegither for Dr Crockett.
[Applause.]
[JS] And to our entertainment for tonight. Well
as I said, Nicola's away cause she's got exams tomorra. But
for half o the redcoats, Allan and Dod thank you very much.
[Applause.]
[JS] We'd just like to finish off by thanking
the committee for organising tonight and especially tae yersels
for turnin oot. When I sa the weather last night, I jist wondered
foo many folk would venture out the night, but thankfully
the weather improved and we've had a good turnout. So thank
you, give yourselves a good round of applause for coming tonight.
Thank you.
[Applause.]
12
[JS] I'd like to finish off
wi Auld Lang Syne.
[All join in.]
Should auld acquaintance be forgot,
And never brought tae mind;
Should auld acquaintance be forgot,
And auld lang syne!
For auld lang syne, my dear,
For auld lang syne;
We'll tak a cup o' kindness yet,
For auld lang syne.
So here's a hand, my trusty frien!
And gie's a hand o' thine!
And we'll tak a right guid hairty shak,
For auld lang syne.
For auld lang syne, my dear,
For auld lang syne;
And we'll tak a right guid hairty shak,
For auld lang syne.
[End of Side B.]
back to top
|
