|
01
Sellin' Up
Mary Keenan
Al' Dan looks roon' his parks wi' pride
An' minds rinnin' at his faither's side,
An the nicht he brocht his blushin' bride
T'share that bonny neuk.
But noo roups spring up like thistles a' roon' Buchan.
Chorus
An' they've laughed on the land,
An' they've loved on the land,
An' they've tyauved t' pass on a better lot.
Since the first men tilled a livin' oot o' Buchan.
He's cleared the land o' a' its boulders,
Noo puir Dan is grownin older,
His life's work'll a' be sold
Ere evening fa's the morn.
As the roups spring up like thistles a' roon' Buchan.
Chorus
The neighbours canna stop tae news,
The bank's demandin a' its dues,
He's nightin but his pride tae lose
In sellin up the morn.
And the roups spring up like thistles a' roon' Buchan.
Chorus
But noo strange beasts in thoroughbred blankets
Stamp disdain on a' oor work,
It's oor bent backs ye have tae thank
For tamin a' this land.
And the roups spring up like thistles a' roon' Buchan.
back to top
|
